ازيك يا ست الحبايب
ازيك يا احن قلب علي قلبي حتي وانا غايب
ازيك يا با عامل ايه
واحشني يا با ونفسي ارتمي في حضنك
ولدك راجل زيك بس انا محتاجلك
كنت صغير وبجري في الغيطان
كنت بحلم اكون فارس الفرسان
علمتني بابا:ان الاسد فارس
والديب عمره ما يكون للغنم حارس
علمتني يابا :ءاكل من ارضي ومن ضربة فاسي
عشان محدش يغصبني ويكون قراري من راسي
علمتني ان بلدي هي ارضي
وان ارضي هي عرضي
وان العرض غالي
علمتني مافرطش في ذرة تراب من ارضي
علمتني ما ءامن للئيم ولا لخاين وان ضاق بي حالي
علمتني احب بلدي .بحبك يا بلدي مهما عملو فيكي
بحبك يا بلدي وهاعيش عمري كله فيكي
شربت من نيلك وكلت من خيرك وحقك علي عمري ما هانساه
قطعوكي يا بلدي ونهبوا خيرك وخلوكي تقولي الاه
فينك يا با لولاد بقت زي البنات
لبانة وسلسلة من غير شنبات
علمتني يا با ان الراجل كلمة وموقف وثبات
وشجاعة من غير خوف او تردد حتي الممات
علمتني ان الراجل ما ينفعش يبكي ولادموعه تنزل في اصعب الازمات
علمتني ان العمر بايد اللي خالقه فاقول الحق وما اخافش
وان اللئم والجبان ما اصاحبش
وعن كلمة الحق والصدق ما اتنازلش
علمتني يا با ان المسلمين كلهم واحد
وان بكي واحد فيهم مرة او نادي
لازم امدله ايدي والساعد
علمتني ان حبيت في يوم واحدة لا زم اروحلها من الباب
وان كنت مقدرش لازم اخاف ربنا وما اجريش ولا سراب
علمتني ان الصلاة فرض
وحفظ القران فرض
وحمايتي لارضي وعرضي فرض
علمتني يابا ان الظلم له نهاية
وان الاسلام له راية
وان الحق لازم يرجع لصاحبه في النهاية
علمتني يا با ان الحق عاوز من يحميه ويدور عليه
ويحارب كل اللي يعاديه
علمتني ان صاحب الحق شديد
ومايخافش من اي تهديد
ويعمل في دنيته اللي ينجيه يوم الوعيد
علمتني يا يابا حاجات كتير
واهم حاجة ان لديني لازم اغير
واساعد الضعيف والصغير
واحترم معلمي والشيخ الكبير
وان اكون للاسلام نعم النصير
بحبك يا با يا معلمي القدير<!-- / message -->
كتبها د/حازم في 08:53 مساءً ::
تعليق واحد
في07,سبتمبر,2008 - 09:07 مساءً, مجهول كتبها ...
ونعم الأب
ونعم الابن
حفظك الله من كل سوء
ونفع بك